S.KRAUSE

's Sonnet

Von mir hot nimmand en Sonnet gschriwwe
   In Pennsilfeenisch Deitsch. Ich will's mol waage
   'm Dante un 'm Petrarch nooch ze jaage
Bis ich die Wadde zamme hab gedriwwe.
Nau, 'm Sonnet sei Lines sin zwee mol siwwe,
   Net mehner un net wennicher kann's verdraage;
   Zwee Deel hot's: 's erscht—'s Octave so ze saage—
Hot juscht zwee Rhymes, die darf mer net verschiewe.
's Zwett un glenner Deel—Sestette wadd's ghesse—
   Kann zwee Rhymes hawwe adder drei, (net meh'),
      Un die darf mer arrange wie mer will.
      Es fehle noch drei Lines; halt dich nau schtill!—
   Ich hab sie schunnt!—un du hoscht nau, verschteh,
's Erscht Sonnet in dere Schpooch glese.

by Charles Calvin Ziegler (1854-1930)

Mark Louden notes: "This perhaps the only sonnet ever written in Pennsylvania German."

Taken from the Spring 2002 Mitteilungen aus Madison (Newsletter of the Department of German at the University of Wisconsin-Madison)